¡Primeiro día do curso... virtual!

Ola a todos!

Hoxe iniciamos as clases dun xeito histórico e sen precedentes, distanciados e nalgúns casos incomunicados, pero pouco a pouco estaremos todos e todas presentes neste lugar.

Para o día de hoxe, lembra que tes unha tarefa por realizar que che conto nesta entrada de benvida. Soamente terás que ler a entrada e ver os vídeos explicativos sobre este blog, para que saibas manexalo á perfección. Además, ao final da entrada propóñote unha actividade que consiste en deixar un comentario nesta mesma. Está explicado nos vídeos.

Pero, para aqueles con máis ganas de traballar, estas mentes inquedas que non paran e precisan de tarefas e retos diarios, deixei tamén un apartado de enriquecemento curricular. Pero, soamente para aqueles que non sabedes que facer, pois non son tarefas obrigadas. Este apartado aparecerá na barra lateral do blog, pero tamén chas enlazo aquí (preme).

(NOTA: Lembra que as frases ou palabras 

que aparecen en cor verde son links 

que te levarán a outras páxinas ou seccións)

Tamén vos deixei unha sección de gomets virtuais, que darei cada venres. Non vaiamos a perder as boas costumes!!

Ademais, desde a Biblioteca do cole vos propoñen a seguinte actividade: #EuLeoNaCasa. Preme no link por se queres sumarte.

Por último, mañá comezamos. Hoxe tentarei que todos estemos conectados, pero esta semana e a vindeira soamente deixarei tarefas moi sinxelas relacionadas coa competencia dixital. Así que comezaremos de vagariño, pero por se tedes tempo libre vos animo a que comecedes con estas tarefas que vos recomendo.

Un abrazo enorme e moita forza!