Primeras actividades del período de confinamiento (16/03/20)

Estas son las primeras actividades del período de confinamiento, por si no has podido acceder a ellas. Si no las has hecho, pueden servirte para mejorar tu destreza lectora, tu comprensión, tu habilidad escritora, o simplemente para tu tiempo de ocio.

Tarefas e actividades extracurriculares para o período de confinamento.

Por Elvira Fernández Pena

6º curso | Educación Primaria | 16/03/20

ESTAR ACTIVOS NESTRES DÍAS.

Como expresan as Instrucións do 13/03/2020 en relación co COVID-19 establecidas pola Xunta de Galicia, e tendo en conta que estamos en período lectivo a pesar das circunstancias, paréceme de recibo que as familias adiquen un tempo de actividade educativa que ademais favorecerá que se manteñan rutinas e que todos estemos activos.

Non se trata de atiborrar de actividades nestes tempos tan incertos, pero sí de tomar responsabilidade e facer que este tempo de confinamento non sexa unha escusa para deixar de crecer educativamente.
Preocúpame especialmente o tempo que pasedes ante as pantallas, porque resulta un recurso fácil, e entendendo que a convivencia nestes días é complexa propoño as seguintes actividades para facer en familia. Cada quen no seu rol. Os nenos e as nenas traballando cun horario o máis estable posible (preferiblemente de mañá, para deixar a tarde para o ocio) e as familias, supervisando, apoiando e favorecendo que estén activos na medida do posible.

Deixo o meu enderezo electrónico do traballo por se tedes algunha dúbida ou se queredes falar comigo, tanto alumnado (con supervisión, sempre) coma familias. Estou a vosa enteira disposición. Verei o correo unha vez ó día, ás 9:00 horas da mañá e contestarei na prontitude que me permitan estas circunstancias. Unha vez rematada esta etapa, non atenderei por esta vía, senón polas mesmas que empregamos sempre.
As familias coas que tiña titorías na data de mañá, día 17 de marzo, poden poñerse en contacto comigo polo enderezo electrónico para ver como podemos telas ou ben falar do máis imprescindible.


elvira.fdez.pena@edu.xunta.es

Grazas pola vosa colaboración. Espero que estedes todos ben e vos envío moita forza e ánimos para estas datas.

Propóñovos varios proxectos para levar a cabo nestes días que non terán carácter avaliable, pero sí serán beneficiosos para o desenvolvemento das diferentes competencias.




Proxecto de competencia lingüística.

Para traballar as áreas lingüísticas, propóñovos sumarvos ó reto literario do docente José Martín Aguado #UnoPorDoce, que pretende facernos ler un libro cada mes do ano. Aínda que estamos en marzo, podemos comezar neste punto, e cando todo esto pase, decidiremos se queremos seguir con este reto.




Coma vedes, para marzo, proponse ler un libro recomendado por un amigo, pero pode ser calquera que te recomende alguén da túa familia e que teñas na biblioteca da casa.
Despois de ler o libro terás que facer un traballo cos mesmos requisitos que os que solicitamos para o traballo do libro de Xulio Verne, solo que pola túa conta.
Lembra: Traballo escrito co formato que queiras onde contemples os seguintes aspectos:

·         Resumo do libro.
·         Persoaxes principais.
·         Opinión persoal.

A lingua a realizar este traballo é opcional, pero recomendo facelo en galego pois é o idioma que máis necesitades traballar, salvo algún caso concreto galegofalante.


Deixo tamén este reto por se as familias (nais, pais, avós, avoas, etc.) queren sumarse. O exemplo é motivante.


E estoutro por se hai pequenos na casa. Ler cos irmáns me parece un modo ideal para traballar as linguas nestes días.


E xa está. Ler e escribir. Pero, ollo! Este proxecto feito a todo correr non ten sentido. Faino a conciencia e emprega o tempo necesario para traballar na obra escollida, así sairás gañando.
Aínda que non estou moi a favor do uso da tecnoloxía estes días, se queredes repasar materia dun xeito activo, recomendo as seguintes páxinas web:



Proxecto de competencia cultural e artística.

Para eses tempos de ocio nos que non saibas que facer, propóñote que continúes co proxecto artístico plástico do plaxio de obras de arte que temos na aula. Déixote dúas propostas de Paul Klee para que realices coa técnica que queiras. Procura esmerarte, non facer por facer, déixate levar pola creatividade e reinventa. Non tes que empregar as mesmas cores, nin facelo igual.

Paul Klee.

Pintor suizo de familia con tradición musical. Traballou dende correntes coma o surrealismo, o expresionismo e a abstración.

Tocou o violín na súa infancia.

Veuse influenciado pola obra de Kandinsky.

As características da súa obra son o emprego de moitas cores e tonalidades e o uso de figuras planas básicas coma o cadrado, rectángulo, triángulo, etc.




 Traballaremos con estas obras:





No ámbito da música recoméndoche este canal de Youtube: https://www.youtube.com/user/pmoralesdelosrios/videos

Aquí poderás ver varias lecións de historia da música ilustrada. Anímote a intentes facer un na túa casa. Podes buscar información sobre algún compositor de música clasica ou referente do mundo da música folk, rock, etc. Logo, trasladar esta información a debuxos ou caricaturas e por último facer un vídeo. As creacións máis interesantes poderemos colgalas no Youtube do colexio.


Por último, algúns enlaces para que o tempo de ocio sexa tamén aproveitado para desenvolver a competencia cultural e artística. Todo opcional.


  Proxecto de competencia social e cidadá:

Para o alumnado de Valores, pero válido tamén para o alumnado con ensinanzas relixiosas:
14 curtametraxes sobre valores que empregamos nas aulas para entender a convivencia: https://www.atencionselectiva.com/2015/12/14-cortos-para-trabajar-la-convivencia.html
Pode facerse o visionado e debatir en familia.

Ánimo, familias. Sabemos o duros que son estes días, e dende o colexio vos apoiamos e estamos aquí para o que necesitedes. Estamos en contacto.

Comentarios

Publicar un comentario